චීනයේ ජාතික ගුවන් සේවයවන “එයාර් චයිනා” ගුවන් සේවය ශ්රී ලංකාව සමඟ යළි ගුවන් ගමන් ආරම්භ කරමින් පළමු ගුවන් යානය ඊයේ (03) රාත්රියේ කටුනායක ගුවන් තොටුපොළ වෙත පැමිණියා.
ලොව පුරා පැතිර ගිය කොරෝනා වසංගතයත් සමඟ එම ගුවන් සේවය මෙරට හා පැවති ගුවන් ගමන් තාවකාලිකව නතර කර තිබුණා.
ඒ, අනුව යළි එම ගුවන් ගමන් අරඹමින් ඒ – 320 එයා බස් වර්ගයේ ගුවන් යානයක් ඊයේ ඒ සඳහා යොදවා තිබූ බවයි ගුවන්තොටුපොළ අප වාර්තාකරු සඳහන් කළේ.
චීනයේ ෂිචුවාන් ප්රාන්තයේ චෙන්ඩු නුවර ජාත්යන්තර ගුවන් තොටුපොළේ සිට එයාර් චයිනා ගුවන් සේවයේ සී.සී.ඒ.- 425 දරණ ගුවන් යානය මෙරටට පැමිණ තිබුණා.
මෙම ගුවන් යානයෙන් ගුවන් මගීන් 142 දෙනෙකු සහ ගුවන් යානා කාර්යය මණ්ඩලය 09 දෙනෙකු මෙරටට පැමිණියා.
මේ අනුව ඉදිරියේ දී චීනයේ ජාතික ගුවන් සේවයේ ගුවන් යානා සෑම සතියකම සදුදා , බදාදා සහ සිකුරාදා යන දිනවල චීනයේ චෙන්ඩු නුවර සිට රාත්රී 08.55ට කටුනායක ගුවන් තොටුපොළ වෙත පැමිණීමට නියමිත අතර, යළිත් එම ගුවන් යානා එදිනම රාත්රී 10.15 ට කටුනායක සිට චීනයේ චෙන්ඩු බලා පිටත්ව යාමට නියමිත බවයි ගුවන්තොටුපොළ වාර්තා සඳහන් කළේ.
