ඉන්දියාව විසින් පාකිස්තානයට එක්සත් ජාතීන්ගේ ආරක්ෂක කවුන්සිලයේ දී දැඩි විවේචන එල්ල කරනු ලැබුවා.
විදෙස් මාධ්ය වාර්තා කරන්නේ, පාකිස්තානය තුළ දරුණු ගණයේ අපරාධකරුවන් පෝෂණය වන බවත් ත්රස්තවාදය, ළමා අයිතිවාසිකම් අපයෝජනය කරමින් දරුණු කුහකත්වය රෝපණය කරන බවට ඉන්දියාව චෝදනා කර ඇති බවයි.
එක්සත් ජාතීන්ගේ ආරක්ෂක කවුන්සිලයේ (UNSC) දී පාකිස්තානයේ “දුෂ්ට න්යාය පත්රය” ලෙස විස්තර කළ දෙය ඉන්දියාව තරයේ ප්රතික්ෂේප කර තිබෙනවා.
ඉස්ලාමාබාද් තමන්ගේම මානව හිමිකම් උල්ලංඝනය කිරීම් සහ රාජ්ය අනුග්රහය ලත් දේශසීමා ත්රස්තවාදයෙන් අවධානය වෙනතකට යොමු කිරීමට උත්සාහ කරන බවට චෝදනා කර ඇතැයි වාර්තා වනවා.
එක්සත් ජාතීන්ගේ සංවිධානයේ ඉන්දියාවේ නිත්ය නියෝජිත, තානාපති පාර්වතනේනි හරීෂ්, එක්සත් ජාතීන්ගේ ආරක්ෂක කවුන්සිලයේ ළමා හා සන්නද්ධ ගැටුම් (CAC) පිළිබඳ විවෘත විවාදය අතරතුර තියුණු ප්රතික්ෂේප කිරීමක් නිකුත් කරමින්, වේදිකාව අනිසි ලෙස භාවිතා කිරීම සහ කවුන්සිලයේ න්යාය පත්රය උල්ලංඝනය කිරීම සම්බන්ධයෙන් පාකිස්තානයට චෝදනා කර ඇති බවයි විදෙස් මාධ්ය වාර්තා කරන්නේ.
