ඊශ්රායල ගුවන් හමුදාව ගාසා තීරයට එල්ල කරන ප්රහාරවල මට්ටම සහ පරිමාණය ඊයේ රාත්රියේ සිට තීව්ර කර ඇති බව විදෙස් මාධ්ය වාර්තා කරනවා.
මේ අතර ගාසා තීරයේ තවත් රෝහල් දෙකක් ආසන්නයට ඊශ්රායල ගුවන් ප්රහාර එල්ල වී ඇති බවට තොරතුරු වාර්තා වනවා.
රෝහල් දෙකෙහිම වෛද්ය සේවකයින් මෙම ප්රහාරවලින් තුවාල ලබා පැමිණෙන පුද්ගලයින්ට ප්රතිකාර කිරීමට අරගල කරමින් සිටින බවයි විදෙස් මධ්ය වැඩිදුරටත් තොරතුරු වාර්තාකර තිබුණේ.
පලස්තීන ප්රවෘත්ති ඒජන්සිය වන WAFA පැවසුවේ ප්රහාරවලින් තුවාල ලැබූ වැඩිම පිරිසක් ප්රතිකාර ලබන සහ වෛද්ය කාර්ය මණ්ඩලය සිටින අල්-ෂිෆා වෛද්ය සංකීර්ණය ආසන්නයට ද ඊශ්රායල හමුදා එල්ල කළ මිසයිල කිහිපයක් වැදී ඇති බවයි.
මේ අතර ඊශ්රායලය, ගාසා තීරයේ සෞඛ්ය පද්ධතිය තුළ ව්යාකූලත්වයක් ඇති කිරීමට උත්සාහ ගනිමින් සිටින බව පලස්තීන බලධාරීන් පවසනවා.
පලස්තීන සන්නද්ධ කණ්ඩායම් සහ ඊශ්රායල ආක්රමණික හමුදා අතර සටන් ආරම්භයේ සිට මේ දක්වා ගාසා තීරයේ විශාල වශයෙන් ලේ වැගිරී ගිය රාත්රිය ලෙස ඊයේ (22) රාත්රිය සැළකිය හැකි බවයි විදෙස් වාර්තා සඳහන් කරන්නේ.
මේ අතර රෝහල ක්රියාත්මක කිරීමට ඉන්ධන නොලැබුණහොත් ශල්යකර්ම නතර කිරීමට වෛද්යවරුන්ට සිදුවිය හැකි බවට අනතුරු අඟවා තිබෙනවා.
