ඩීසල් රැගත් නෞකාවක් බලන 15 සහ 17 යන දිනයන් අතර මෙරටට පැමිණීම නියමිත බව බලශක්ති අමාත්‍ය කංචන විජේසේකර පවසනවා.
සිය ට්විටර් ගිණුමට සටහනක් එක්කරමින් ඔහු මේ බව පවසා තිබෙනවා .
මේ අතර අමාත්‍යවරයා වැඩිදුරටත් එහි දක්වා ඇත්තේ පෙට්‍රල් රැගත් නෞකාවක් ලබන 17 සහ 19 යන දිනයන් අතර දිවයිනට ලඟා වීමට නියමිත බවයි.
මෙම ඉන්ධන සඳහා ගෙවිය යුතු අත්තිකාරම් මුදල් ගෙවීම පසුගිය සතිය තුළ ගෙවා අවසන් කළ බවයි අමාත්‍යවරයා වැඩිදුරටත් සඳහන් කළේ.
එමෙන්ම ඩීසල් තොගය සඳහා ගෙවිය යුතු ඉතිරි මුදල් ඊයේ දිනයේදී ගෙවීමට නියමිතව තිබූ බව අදාල ට්විටර් සටහනේ සඳහන්.
