ඉන්දියාව, මැදපෙරදිග සහ යුරෝපය යා කරමින් ඉදි කිරීමට යෝජිත දැවැන්ත ආර්ථික කොරිඩෝවේ (India-Middle East-Europe Economic Corridor – IMEC) ප්රධාන කොටස්කරුවෙකු වීමට ක්රොඒෂියාව දැඩි උනන්දුවකින් පසුවන බව එම රටේ අග්රාමාත්ය ඇන්ඩ්රේ ප්ලෙන්කොවිච් (Andrej Plenković) පවසනවා.
නිකේයි ඒෂියා (Nikkei Asia) පුවත් සේවය සමඟ පැවැත්වූ සුවිශේෂී සම්මුඛ සාකච්ඡාවකදී අග්රාමාත්යවරයා අවධාරණය කළේ, පැසිෆික් කලාපයේ සිට යුරෝපා සංගමය වෙත පැමිණෙන භාණ්ඩ සඳහා ප්රධානතම ප්රවේශ ද්වාරයක් (Entry Point) ලෙස ක්රොඒෂියානු වරායයන් සේවය සැපයීමට සූදානම් බවයි.
ක්රොඒෂියාවේ භූගෝලීය පිහිටීම යුරෝපයේ මධ්යයට සහ නැගෙනහිරට ඉතා සමීපව පිහිටා තිබීම මෙම ආර්ථික කොරිඩෝවට විශාල ශක්තියක් වන බව අගමැතිවරයා මෙහිදී පෙන්වා දුන්නේය.
විශේෂයෙන්ම ඒඩ්රියාටික් මුහුදේ පිහිටි ක්රොඒෂියානු වරායයන් හරහා භාණ්ඩ ප්රවාහනය කිරීමෙන් මධ්යම යුරෝපයේ රටවලට ඉතා කෙටි කාලයකින් සහ අඩු පිරිවැයකින් භාණ්ඩ ළඟා කරගත හැකි වේ.
මෙම නව කොරිඩෝව හරහා ඉන්දියාවේ සිට පැමිණෙන භාණ්ඩ, මැදපෙරදිග හරහා යුරෝපයට ඇතුළු වීමේදී ක්රොඒෂියාව වැදගත් මංසන්ධියක් වනු ඇතැයි අපේක්ෂා කෙරේ.
මෙය හුදෙක් ප්රවාහන මාර්ගයක් පමණක් නොව, කලාපීය ආර්ථික සහයෝගීතාවය වර්ධනය කරන ප්රධාන මෙවලමක් ලෙස ක්රොඒෂියාව දකියි.
