සංචාරක ශ්‍රී ලංකා කණ්ඩායම සමග පැවැත්වෙන දෙවන T20 තරගය ජය ගැනීමට ඉන්දියාවට ලකුණු 207ක ඉලක්කයක් හිමිව තිබෙනවා.
තරගයේ කාසියේ වාසිය දිනූ ඉන්දියාවේ ආරාධනය මත පළමුවෙන් පන්දුවට පහරදුන් ශ්‍රී ලංකා කණ්ඩායම නියමිත පන්දුවාර 20 අවසානයේ කඩුලු 6ක් දැවී ලකුණු 206ක් රැස් කළා.
නායක දසුන් ශානක වේගවත් පිති හරඹයක නිරත වෙමින් පන්දු 22ක් තුල නොදැවී ලකුණු 56ක් ලබාගත්තේ හයේ පහර 6ක් සහ හතරේ පහර 2ක් සමගින්.
කුසල් මෙන්ඩිස් පන්දු 31කින් වේගවත් ලකුණු 52ක් රැස් කළේ හයේ පහර 4ක් සහ හතරේ පහර 3ක් ද සමගින්.
පැතුම් නිස්සංක ලකුණු 33ක් සහ චරිත් අසලංක ලකුණු 37ක් ලබාගත්තා. අසලංක එම ලකුණු 37 ලබාගත්තේ පන්දු 19කට මුහුණ දෙමින්. හයේ පහර 4ක් ඔහුගේ ලකුණු අතරට එක්වුණා.
චාමික කරුණාරත්න නොදැවී ලකුණු 11ක් ලබාගත්තා.
පන්දු යැවීමේදී උම්රාන් මලික් කඩුලු 3ක් සහ ඇක්සාර් පටෙල් කඩුලු දෙකක් බිඳහෙළුවා.
පූනේහිදී පැවැත්වෙන මෙම තරගයේ ඉන්දීය පිළිතරු ඉනිම තවත් සුළු වේලාවකින් ආරම්භ වීමට නියමිතයි.
