එළැඹෙන ජනවාරි 8 වැනිදා තායිලන්තයේ පැවැත්වෙන ප්රධාන පෙළේ සටන් ශූරතාවක් සඳහා ඉතිහාසයේ පළමුවරට ශ්රී ලංකා ක්රීඩකයන් දෙදෙනකුට තරග වැදීමේ අවස්ථාව උදා වී තිබේ. ඒ මලින්ද අමරසිංහ සහ අජ්මාල් යකුබ් යන ක්රීඩකයන්ටය.
මිශ්ර සටන් කළා ක්රීඩකයන් දෙදෙනකු වන මලින්ද සහ අජ්මාල් මේ වනවිට ශ්රී ලංකාවේ මිශ්ර සටන් කලා වෘත්තීයමය ක්රීඩකයන් දෙදෙනකු වේ.
එම තරගයේදී ශ්රී ලංකාවේ අජ්මාල් යකුබ් තායිලන්තයේ සයිමොන් සමගින් තරග වැදීමට නියමිත අතර ශ්රී ලංකාවේ මාලින්ද පිලිපීනයේ රොකී බැක්ටෝල් සමගින් තරග වැදීමට නියමිතය.
මෙම ශූරතාවේ ප්රධාන තරගය රොකී සහ මාලින්දගේ සටන වන අතර ඊට අමතරව ඇමරිකාවේ සැමුවෙල් ඇලෙක්සැන්ඩර්, මැකොවෝහි නිකෝ චෑන් සමගින් සහ ඇමරිකාවේ කොල්ටන් කිල්බසා, එක්සත් රාජධානියේ ජේ.ජේ. ජෝන්ස් සමගින් තරග වැදීමට සූදානමින් සිටී.
රොකී මේ වනවිට ආසියානු කලාපයේ මිශ්ර සටන් කලාවෙන් ප්රබලයකු වන අතර මාලින්ද සමගින් ඔහු තරග වැදීම ශ්රී ලංකාවට විශේෂය. මෙම ඓතිහාසික තරගය සම්බන්ධයෙන් අදහස් දැක්වමින් මාලින්ද අමරසිංහ ‘ඇත්තටම මෙය වසර ගණනක සිටම මට තිබුණු බලාපොරොත්තුවක්. ජාත්යන්තර වෘත්තීයමය මට්ටමට යන්න මේක මට හොඳ අවස්ථාවක්. ඒ වගේම රොකී කියන්නේ ප්රබල ක්රීඩකයෙක්. නමුත් මෙම තරගය ජයග්රහණය කරලා ශ්රී ලංකාවට කීර්තියක් ගෙන්න තමයි මගේ බලාපොරොත්තුව’ යි සඳහන් කර සිටියේ.
මෙම තරගාවලිය සඳහා ආසියානු මට්ටමේ ජනප්රිය තරග සංවිධායකින් සහ ආයෝජකයන් සහභාගි වන අතර එය ශ්රී ලංකා ක්රීඩකයන්ගේ අනාගතයට විශාල ආයෝජනයක් වනු ඇත.
ඉකුත් 2018 වසරේදී මාලින්ද සහ අජ්මාල් තරග වැදුණු අතර එම තරගය ශ්රී ලංකා ප්රේක්ෂකයන්ට නව අත්දැකීමක් ද විය. මලින්ද සහ අජ්මාල් මේ වනවිට හවුස් ඔෆ් චැම්පියන්ස් කණ්ඩායම යටතේ පුහුණුවීම් සිදු කරනු ලබයි.
