ඇහැළියගොඩ පොලිස් වසමේ වලවිටවත්ත ප්රදේශයේ දී තියුණු ආයුධයකින් පහරදීම හේතුවෙන් පුද්ගලයෙකු මියගොස් තිබෙනවා.
ඊයේ (18) දහවල් මෙම අපරාධය සිදුව ඇති අතර ඝාතනයට ලක්ව ඇත්තේ අවුරුදු 34ක ගැටහැත්ත ප්රදේශයේ පදිංචිකරුවෙක්.
පිරිසක් යතුරුපැදිවලින් පැමිණ මෙම ඝාතනය සිදුකර පලාගොස් ඇති බවට දැනට සිදු කරන ලද විමර්ශනවලදී අනාවරණය වී තිබෙනවා.
සැකකරුවන් අත්අඩංගුවට ගැනීම සඳහා ඇහැළියගොඩ පොලිසිය විසින් වැඩිදුර විමර්ශන සිදුකරනු ලබනවා.
