ඇතැම් පුද්ගලයන් විසින් ආගමික ඉගැන්වීම් විකෘති කරමින් සමාජ ආතතිය ඇති කරමින් සිදු කරන ක්රියාවන් වැළැක්වීමට සහ තුරන් කිරීමට රජය නව නීති සම්පාදනය කිරීමට කටයුතු කරමින් සිටින බව බුද්ධශාසන හා ආගමික කටයුතු අමාත්ය විදුර වික්රමනායක පවසනවා.
පුද්ගලයෙකු ආගමික කරුණු විකෘති කරමින් කළ දේශනා ආදිය අනුගමනය කරමින් ඔහු සහ ඔහුගේ අනුගාමිකයන් කිහිප දෙනෙකු සියදිවි නසා ගැනීම සම්බන්ධයෙන් අදහස් දක්වමිනුයි අමාත්යවරයා මේබව සඳහන් කළේ.
සමාජය විකෘති කිරීමට පොළඹවන පුද්ගලයන් විසින් මෙහෙයවනු ලබන ආගමික ඇදහිළි පිළිබඳ සොයා බැලීමට කැබිනට් මණ්ඩලය විසින් කමිටුවක් පත් කළ බව ද අමාත්යවරයා ප්රකාශ කළා.
රටේ නීතිමය රාමුව තුළ සීම කෙනෙකුටම තම ආගම ඇදහීමට හැකි පරිසරයක් නිර්මාණය කිරීමට අවශ්ය කටයුතු කඩිනමින් සිදු කරන බව ද අමාත්ය විදුර වික්රමනායක මහතා මෙහිදී ප්රකාශ කර තිබෙනවා.
