අතුරුගිරිය ප්‍රදේශයේ ලී වෙළඳසැලක හිමිකාරියක් එම වෙළඳසැල තුළ දී තියුණු ආයුධයකින් පහර දී ඝතනය කිරීමේ සිද්ධියට සම්බන්ධයේ අත්අඩංගුවට ගත සැකකරු අද (08) දින කඩුවෙල මහේස්ත්‍රාත් අධිකරණය හමුවට ඉදිරිපත් කිරීමට නියමිතව තිබෙනවා.
මෙම සිද්ධියේ ප්‍රධාන සැකකරු ඊයේ (07) පස්වරුවේ මොරටුව, කොරලවැල්ල ප්‍රදේශයේ දී අත්අඩංගුවට ගනු ලැබුවා.
මෙලෙස අත්අඩංගුවට පත් වුණේ වයස අවුරුදු 29ක සැකකරුවෙක්.
සැකකරු මෙම අපරාධය සිදු කිරීමෙන් පසු ඝාතනයට ලක්වූ කාන්තාවගේ රුපියල් 450,000ක් පමණ වටිනා රන් මාලයක් ද කොල්ල කා ඇති අතර, එම මාලය උකස්කර ලද රිසිට් පතද පොලීසිය විසින් සොයාගෙන තිබෙනවා.
ඊට අමතරව ඝාතනය සිදුකර අවස්ථාවේ දී සැකකරු ඇඳ සිටි ඇඳුම් සහ පැළඳ සිටි පාවහන් යුගළය ද සොයාගැනීමට හැකි වූ බවයි පොලිසිය සඳහන් කළේ.
පසුගිය 02 වනදා අතුරුගිරිය, ගොඩගම පාරේ ලී වෙළඳසැලක් තුළ එහි හිමිකාරිය වූ මංගලිකා මහවත්ත නැමැති 62 හැවිරිදි කාන්තාවක් ඝාතනය කර තිබුණා.
එම ලී වෙළඳසැලේ සේවකයෙක් ද තියුණු ආයුධ ප්‍රහාරයකට ලක්ව බරපතළ තත්ත්වයෙන් රෝහල් ගතකර ප්‍රතිකාර ලබමින් සිටිය දී පෙරේදා (06) දිනයේ දී ජීවිතක්ෂයට පත් වුණා.
මෙලෙසද ජීවිතක්ෂයට පත් වුණේ වයස අවුරුදු 51ක අතුරුගිරිය ප්‍රදේශයේ පදිංචි අයෙක්.
