දෙහිවල – ගල්කිස්ස පොදු සුසාන භූමියේ අද පස්වරු 3.35ට පමණ වෙඩි තැබීමක් සිදුව තිබෙනවා.
යතුරුපැදියකින් පැමිණි නාඳුනන පුද්ගලයින් දෙදෙනෙක් විසින් සුසාන භූමිය තුළ දී පුද්ගලයෙකුට වෙඩි තබා ඇති බවයි පොලිසිය සඳහන් කළේ.
වෙඩි වැදීමෙන් තුවාල ලැබූ පුද්ගලයා කළුබෝවිල රෝහලට ඇතුළත් කර තිබෙනවා.
මිලිමීටර් 9 වර්ගයේ ගිනි අවියකින් මෙම වෙඩි තැබීම සිදුකර ඇති බවයි පොලිසිය වැඩිදුරටත් සඳහන් කළේ.
සංවිධානාත්මක අපරාධ කල්ලි අතර පවතින ආරවුල්වල ප්රතිඵලයක් මත මෙම වෙඩි තැබීම සිදුකරන්න ඇති බවට පොලිසිය සැකපළ කරනවා.
සිද්ධිය සම්බන්ධයෙන් පොලිස් කණ්ඩායම් දෙකක් විසින් විමර්ශන අරඹා තිබෙනවා.
