රට තුළ පවතින ඉන්ධන අර්බුදයත් සමඟ බොහෝ දෙනෙක් පොදු ප්‍රවාහන සේවය මඟින් සිය ගමන් පහසුව සලසා ගැනීමට නැඹුරු වී තිබෙනවා.
ඒ, හේතුවෙන් පාඩු ප්‍රවාහන සේවයේ යෙදෙන බස් රථවල සහ දුම්රියේ දැඩි මගී තදබදයක් ද ඇතිව ඇති ආකාරය දැකගත හැකියි.
මෙම තත්ත්වය තුළ පොදු ප්‍රවාහන සේවා ආශ්‍රිතව ගැවසෙන ගැට කපන්නන් සම්බන්ධයෙන් අවධානයෙන් පසුවන ලෙස පොලිසිය මහජනතාවය දැනුම් දෙනවා.
මගියෙකු ලෙස පොදු ප්‍රවාහනයේ ගමන් කිරීමේ දී තමන්ගේ වටිනා බඩු භාණ්ඩ හා මුදල් පසුම්බිය සම්බන්ධයෙන් වඩාත් සැලකිළිමත් වන ලෙසයි පොලිස් මාධ්‍ය ප්‍රකාශක ජ්‍යේෂ්ඨ පොලිස් අධිකාරි නිහාල් තල්දූව අවධාරණය කර සිටියේ.
