මෙවර ඉන්දීය ප්රිමියර් ලීග් තරගාවලිය විදේශයකට ගෙන නොයන බව ඉන්දීය ක්රිකට් පාලක මණ්ඩල ලේකම් ජේ ෂා තහවුරු කර තිබෙනවා.
තරගාවලිය පැවැත්වෙන කාලසීමාව තුළ ඉන්දීය මහ මැතිවරණය පැවැත්වීම හේතුවෙන් ප්රිමියර් ලීග් තරගාවලිය එක්සත් අරාබි එමීර් රාජ්යය වෙත ගෙනයන බවට පළවන වාර්තාවලට පිළිතුරු ලබාදෙමින් ඔහු මේ බව සඳහන් කළා.
ඉන්දීය මැතිවරණ දිනය ඊයේ ප්රකාශයට පත් කිරීමෙන් පසු ලේකම් ජේ ෂා සම්මුඛ සාකච්ඡාවකදී තහවුරු කර සිටියේ අයි.පී.එල් තරගාවලිය වෙනත් රටකට මාරු නොකරන බවයි.
මේ අතර අයි.පී.එල් සභාපති අරුන් ධුමාල්, අප්රේල් 19 සිට ජූනි 01 දක්වා රට තුළ පැවැත්වීමට නියමිත මහ මැතිවරණය හේතුවෙන් ලීගය එක්සත් අරාබි එමීර් රාජ්යයට මාරු කරනු ඇතිබවට පළවන වාර්තා ප්රතික්ෂේප කළා.
මේ අතර තරගාවලියේ පළමු සති දෙක සඳහා වන කාලසටහන දැනටමත් නිකුත් කර ඇති අතර, තරගාවලිය අරඹමින් වත්මන් ශූරයන් වන චෙන්නායි සුපර් කිංග්ස් මාර්තු 22 වන දින රෝයල් චැලෙන්ජර්ස් බැංගලෝර් සමඟ තරඟ කිරීමට නියමිතයි.
