ජාත්යන්තර ක්රිකට් කවුන්සලය විසින් මෙරටට පැනවූ ක්රිකට් තහනම ඉවත්කර ගැනීමට පාර්ලිමේන්තුව තුළ මෙන්ම ඉන් පිටතදීත් ගතහැකි සියලුම ක්රියාමාර්ග ගන්නා බව ආණ්ඩු පක්ෂ ප්රධාන සංවිධායක,නාගරික සංවර්ධන හා නිවාස අමාත්ය ප්රසන්න රණතුංග මහතා පවසනවා.
අමාත්යවරයා අවධාරණය කළේ මෙරටට පැනවූ ක්රිකට් තහනම ඉවත්කරවා ගැනීමට ජාත්යන්තර ක්රිකට් කවුන්සලය සමඟ සාකච්ඡා කිරීමට ජනාධිපති රනිල් වික්රමසිංහ මහතා ප්රමුඛ රජය කටයුතු කරමින් සිටින බවයි.
ශ්රී ලංකා ක්රිකට් ආයතනය අන්ත දූෂිත ආයතනයක් බව මෙරට සෑම පුරවැසියකුම පිළිගන්නා කරුණක් බව ද ඔහු සඳහන් කළා. එබැවින් ජාතික ප්රශ්නයක් සේ සලකා පාර්ලිමේන්තුවේ පක්ෂ විපක්ෂ සියලුම දෙනා එකතුව එකතුව යෝජනාවක් සම්මත කරගත්තේ ශ්රී ලංකා ක්රිකට් ආයතනයේ දූෂණය පිටුදැකීමේ අරමුණින් බව ඇමතිවරයා කියසිටියා. එය කිසිසේත්ම දේශපාලන අත පෙවීමක් නොවන බවයි ඔහු සඳහන් කළේ.
ජාත්යන්තර ක්රිකට් කවුන්සලය විසින් මෙරටට ක්රිකට් තහනමක් පැනවූයේ ශ්රී ලංකා ක්රිකට් සභාපති ශම්මි ද සිල්වාගේ ඉල්ලීමට බව ක්රික් ඉන්ෆෝ වෙබ් අඩවිය ඇතුළු ජාත්යන්තර මාධ්ය රැසක් මේ වනවිට වාර්තා කර තිබෙනවා.
ශ්රී ලංකා ක්රිකට් යනු මෙරට ජනතාවගේ පොදු දේපළක් මිස ඔහුගේ පුද්ගලික බූදලයක් නොවන අතර ඔහු එවැනි ඉල්ලීමක් කර ඇත්නම් එය රට පාවාදීමක් බවයි අමාත්යවරයා ප්රකාශ කරනවා. ඊට එරෙහිව විෂය භාර අමාත්යවරයා විසින් වහා නීතිමය ක්රියාමාර්ග ගත යුතු බවයි ඔහු පෙන්වා දෙන්නේ.
අමාත්ය ප්රසන්න රණතුංග පවසන්නේ දූෂිත පාලක මණ්ඩලයේ මෙම බලවියරුවට එරෙහිව ක්රිකට් ප්රේමී සියලු දෙනා එකට එක්ව කටයුතු කළ යුතු බවයි.
මෙරට පාසල් දස දහසක පමණ දුවා දරුවන් ක්රිකට් ක්රීඩාවේ නිරතවන අතර එම දරුවන්ගේ මෙන්ම සෑම පුරවැසියකුගේම බලාපොරොත්තුව මෙරටට නැවත ක්රිකට් අයිතිවාසිකම ලබා ගැනීමයි. රජය ඒ වෙනුවෙන් නිරන්තරයෙන්ම කැපවී කටයුතු කරන බව ද අමාත්යවරයා කියාසිටියා.
YES ICC CANNOT TURN THEIR BACK TO GOVT UNANIMOUSE CORPORATE DECISION. IF SLC ASKED A BAN FROM ICC, ICC HAS AN OBLIGATION TO INFORM GOVT. BUT THEY DIDND DO THAT. THEY TOOK 1 SINGLE PERSONS SIDE AND DID THAT BLOODY BULLS REQUEST. ICC CANNT REFUSE WHAT AUDITOR GENERAL SAID ABOUT SLC. AUDITON GENERAL IS AN INDEPENDANT BODY. IF THEY FOUND GULTY THE SLC MUST GO TO COURTS TO TAKE DECISION