තමන් සහ මනූෂ නානායක්කාර රජයේ අමාත්ය ධුර ලබාගත් හේතුව සංචාරක අමාත්ය හරීන් ප්රනාන්දු අනාවරණය කළා.
ඒ අද (20) පස්වරුවේ පැවති විශේෂ මාධ්ය හමුවකට එක්වෙමින්.
එහිදී අමාත්යවරයා සඳහන් කළේ 19 වන ව්යවස්ථා සංශෝධනය අනිවාර්යයෙන් ගෙන ඒමට පොරොන්දු වූ බැවින් තමන් සහ මනූෂ එම අමාත්ය ධුර භාරගත් බවයි.
ඊට අමතරව කොන්දේසි 07ක් පිළිබඳව රනිල් වික්රමසිංහ සමඟ සාකච්ඡා කළ බවද අමාත්යවරයා එහිදී සඳහන් කර සිටියා.
එළඹෙන මාස 03 ඇතුළත තමන්ට නිසි පරිදි කටයුතු සිදුකිරීමට නොහැකි වුවහොත් හෝ බැසිල් රාජපක්ෂ කකුලෙන් ඇදීමක් සිදුකළහොත් අමාත්යධුරයෙන් ඉවත්වීමට ද කටයුතු කරන බව හරීන් ප්රනාන්දු අමාත්යවරයා මෙම මාධ්ය හමුවේදී සඳහන් කළා.
