කඩා වැටුනු කොටස් වෙළඳපල

කොළඹ කොටස් වෙළෙඳපොළ මිල දර්ශක අද (02) දිනයේ දී දැවැන්ත කඩා වැටීමකට ලක්විය.

එහිදී සියලු කොටස් මිල දර්ශකය ඒකක 338.10 කින් පහළ ගිය අතර S&P SL20 දර්ශකය ඒකක 151.39 කින් පහළ යන ලදී. එය පිළිවෙලින් 2.62% ක හා 3.48% ක පරිහානියකි.

ඒ අනුව දිනය අවසානයේ දී සියලු කොටස් මිල දර්ශක අගය ඒකක 12,584.02 ක් හා S&P SL20 දර්ශකය ඒකක 4,193.03 ක් ලෙසින් සටහන්ව තිබුණි. මෙය 20200 වසරේ මෙතෙක් වාර්තා වී තිබෙන පහළම මිල දර්ශක අගයයන් වේ.

රු. බිලියන 8.92 ක ගනුදෙනු පිරිවැටුමක් අද දිනයේ දී වාර්තා විය.

ලැයිස්තුගත සමාගම් අතුරින් විශාලතම සමාගම් දෙක වන එක්ස්පෝලංකා හෝල්ඩිංග්ස් සහ LOLC හෝල්ඩිංග්ස් යන සමාගම්වල කොටස් මිල ගණන් අද දිනයේ දී විශාල වශයෙන් පහළ යාම, සියලු කොටස් මිල දර්ශකයේ කඩා වැටීමට දැඩි ලෙස හේතු විය.