අහිතකර රසායනික ද්‍රව්‍ය අඩංගු පලතුරු පාරිභෝගික ජනතාව වෙත අලෙවි කිරීම වැළැක්වීම වෙනුවෙන් රජය විසින් සුවිශේෂි වැඩපිළිවෙලක් ආරම්භ කරන බව වෙළඳ, වාණිජ, ආහාර සුරක්ෂිතතා සහ සමුපකාර සංවර්ධන අමාත්‍ය වසන්ත සමරසිංහ පවසනවා.
අමාත්‍යවරයා මේ බව සඳහන් කළේ, කෘතීම පලතුරු ඉදවීමෙන් පාරිභෝගිකයන්ට සිදුවන බලපෑම වැළැක්වීම වෙනුවෙන් වෙනුවෙන් ක්රියාත්මක විශේෂ ජාතිකා වැඩපිළිවෙල ප්‍රකාශයට පත්කිරීමේ අවස්ථාවට එක්වෙමින් අමාත්‍යවරයා මේ බව සඳහන් කළා.
ඒ අනුව, ලබන මාර්තු මාසය වන විට පාරිභෝගික සේවා අධිකාරිය හරහා දිවයින පුරා පලතුරු අලෙවිසැල් වෙත, අහිතකර රසායනික ද්‍රව්‍ය අඩංගු පලතුරු අලෙවි නොකරන බවට වන සහතිකයක් නිකුත් කිරීමට කටයුතු කරන බවයි අමාත්‍යවරයා සඳහන් කළේ.
එමෙන්ම එම පලතුරු අලෙවිසැල් සිතියම් ගත කිරීමකින් අනතුරුව, QR ක්‍රමවේදයක් හරහා පලතුරු අලෙවිසැලට අදාළ පාරිභෝගික සේවා අධිකාරියෙන් ලබා දෙන සහතිකය පවතිනවාද, නැද්ද යන්න සම්බන්ධයෙන් තහවුරු කරගැනීමේ හැකියාව හිමිවන බවත් අමාත්‍යවරයා එහිදී සඳහන් කළා.
එමෙන්ම එළඹෙන අප්‍රේල් මාසයේ සිට වස විස සහිත පළතුරු අලෙවිකරන්නට එරෙහිව නීතිය තදින් ක්රියාත්මක කරන බවද අමත්‍යවරයා කියා සිටියා.
