2019 පාස්කු ඉරුදින ත්රස්ත ප්රහාර සිද්ධියට අදාළව කුමන්ත්රණය කිරීම සහ ඊට ආධාර අනුබල දීම ඇතුළු චෝදනා 23,270ක් යටතේ විත්තිකරුවන් 24 දෙනෙකුට එරෙහිව පවරා ඇති නඩුවේ තීන්දුව කොළඹ ස්ථිර ත්රිපුද්ගල මහාධිකරණ විනිසුරු මඩුල්ල ප්රකාශයට පත් කළා.
ඒ අනුව විත්තිකරුවන් විසිහතරදෙනා අතුරින් විත්තිකරුවන් 15 දෙනෙකු වරදකරුවන් ලෙස නම් කර තිබෙනවා.
අනෙකුත් විත්තිකරුවන් නවදෙනා නිදොස් කොට නිදහස් කිරීමට නියෝග කරනු ලැබුවා.
මෙම නඩුවේ 01, 02, 03, 04, 05, 06, 07, 08, 09, 10, 11, 15, 16, 18, සහ 19 යන විත්තිකරුවන් මෙලෙස වරදරකරුවන් බවට පත් කරනු ලැබුවා.
12,13,14, 20, 21,22, 23, 24 සහ 25 යන විත්තිකරුවන් නිදොස් කොට නිදහස් කරනු ලැබූ අතර, 10 වන විත්තකරු 16 වන චෝදනාවෙන් පමනක් නිදොස් කොට නිදහස්කර අනෙක් සියලුම චෝදනාවලට වරදකරු කෙරුණා.
