බෞද්ධ ජනතාවට ආගමික හා ශාසනික වශයෙන් වැදගත් සිදුවීම් රැසක් සිහිපත් කෙරෙන නිකිණි පුර පසළොස්වක පොහොය දිනය අදට (27) යෙදී තිබෙනවා.
බුදුරජාණන් වහන්සේ පිරිනිවන් පෑමෙන් පසු අජාසත්ත රජුගේ අනුග්රහය හා දායකත්වයෙන් රජගහ නුවරදී ප්රථම ධර්ම සංගායනාව පැවැත්වීම සහ බුදුරජාණනන් වහන්සේ රාහුල තෙරණුවන්ට රාහුලෝ වාද සුත්රය දේශනා කිරීම ද සිදු වූයේ නිකිණි පුර පසළොස්වක පොහොය දිනයක බව බෞද්ධ ඉතිහාසයේ සඳහන් වනවා.
මේ අතර නිකිණි පොහොය නිමිත්තෙන් දිවයින පුරා වෙහෙර විහාරස්ථානවල ආගමික වැඩසටහන් රැසක් සංවිධානය කර තිබෙනවා.
එමෙන්ම මහනුවර ඓතිහාසික ශ්රී දළදා මාළිගාවේ ඇසළ පෙරහැර මංගල්යයේ, අවසන් රන්දෝලි පෙරහැර අද (26) රාත්රීයේ වීථි සංචාරය කිරීමට නියමිතයි.
