මෙරට පවතින නඩු විභාග කිරීමේ ප්‍රමාදය සඳහා පාර්ලිමේන්තුවේ තේරුම් කාරක සභාවක් පත්කර ගැනීම ඔස්සේ එයට ගත හැකි විසඳුම් සම්බන්ධයෙන් සොයා බැලිය හැකි බව හිටපු ජනාධිපති රනිල් වික්‍රමසිංහ පවසනවා.
හිටපු ජනාධිපතිවරයා මේ බව සඳහන් කළේ, විපක්ෂ නායකවරයා විසින් අද (23) විපක්ෂ නායක කාර්යාලයේ කැඳවා තිබූ, විපක්ෂයේ පක්ෂ නායක හමුවේ දී අදහස් දක්වමින්.
”මම විපක්ෂ නායකතුමාට කියන්නේ පාර්ලිමේන්තුවේ දී එකතු වෙලා යෝජනාවක් දාන්න, එන සුමානේ භාර දෙන්න. මේ රටේ මේ නඩු ලක්ෂ 11 විසඳන්න කියල හොයලා බලන්න තේරුම් කාරක සභාවක් පත් කරන්න. එංගලන්තයේ කොහොමද මේක කළේ, තවත් රටවල කොහොමද කළේ, ඩිජිටල් ක්‍රමය ඕනෙද, වහාම අද හෙට ඒක කළොත් සඳුදා භාර දෙන්න” යැයි හිටපු ජනාධිපති රනිල් වික්‍රමසිංහ වැඩිදුරටත් කියා සිටියා.
