මදුරු දෂ්ඨනයෙන් ආරක්ෂා වීමට පෙර පාසල් දරුවන්ට ද අත්පා ආවරණය වන පරිදි සුදුසු ඇඳුමකින් සරසවා පෙර පාසල් සඳහා යොමු කරන ලෙස දැනුම් දෙනවා.
රජයේ ප්රවෘත්ති දෙපාර්තමේන්තුවේ අද (13) පෙරවරුවේ පැවති ප්රවෘත්ති සාකච්ඡාවක දී කාන්තා හා ළමා කටයුතු අමාත්ය සරෝජා පෝල්රාජ් මේ බව දැනුම් දුන්නා.
“ඒක පෙර පාසල් දරුවන්ට විශේෂයෙන් අදාළයි. මොකද පෙර පාසල් දරුවන් සඳහාත් දරුවන්ගේ ආරක්ෂාව සඳහාත් ගන්න පුළුවන් මදුරු විකර්ෂක භාවිතා කරන්න. මදුරුවන් දෂ්ඨනයෙන් ආරක්ෂා වීම සඳහා ගන්න පුළුවන් උපරිම ක්රියාමාර්ග ගන්න කියන එක තමා දෙමව්පියන් හැමෝටම කියනවා. මේ අර්බුදය පාසල් තුළටත් පවතිනවා. ඉදිරි සති දෙකත් විශේෂයෙන් අවධානයෙන් පසුවිය යුතුයි. වසර පහකට වරක් එන මෙම මදුරු වසංගත තත්ත්වය වර්ධනය වෙමින් තියෙන්නේ.”
මේ අතර පාසල් සිසුන් ඩෙංගු මදුරු දෂ්ඨනයෙන් වළක්වා ගැනීම සඳහා පාසල් තුළදී නිල ඇඳුමට අමතරව අත් සහ කකුල් වැසෙන සේ සුදුසු ඇඳුම් ඇඳීමට පාසල් සිසුන්ට අවසර ලබාදෙන ලෙස අධ්යාපන අමාත්යාංශය විසින් සියලු විදුහල්පතිවරුන්ට ඊයේ (12) දැනුම් දුන්නා.
