වාර්ෂික බස් ගාස්තු සංශෝධනය අද (30) දිනයේ අමාත්ය මණ්ඩලය වෙත ඉදිරිපත් කරන බව ජාතික ගමනා ගමන කොමිෂන් සභාව සඳහන් කළා.
ඒ, අනුව අමාත්ය මණ්ඩලයේ අනුමැතිය හිමිවීමෙන් පසු මෙම සතිය තුළ වාර්ෂික බස් ගාස්තු සංශෝධනය ප්රකාශයට පත් කරන බවයි ජාතික ගමනා ගමන කොමිෂන් සභාවේ සභාපතිවරයා පැවසුවේ.
මේ අතර වාර්ෂිකව සිදුකරන බස් ගාස්තු හෙට (01) සිට ක්රියාත්මක විය යුතු බව ලංකා පෞද්ගලික බස් හිමියන්ගේ සංගමය අවධාරණය කරනවා.
බස් ගාස්තු සංශෝධනය ප්රමාද වුවහොත් නීතිමය ක්රියාමාර්ග ගන්නා බවට ද බස් සංගම් අනතුරු අඟවනවා.
මේ අතර වාර්ෂික බස් ගාස්තු සංශෝධනය හෙට (01) දින සිට ක්රියාත්මක වීමට නියමිතව තිබිය දී ඊයේ (29) දින ඩීසල් මිල අඩු කරමින් ආණ්ඩුව බස් හිමියන්ට වංචාවක් සිදුකර ඇති බව ලංකා පෞද්ගලික බස් හිමියන්ගේ සංගමය චෝදනා කරනවා.
