පොලිස් නිලධාරීන්ගේ රාජකාරියට බාධා කිරීමේ චෝදනාව මත දැරණියගල ප්රදේශයේදී අත්අඩංගුවට ගැනුණු සැකකරුවන් සිව්දෙනෙක් ලබන 03 වනදා දක්වා රක්ෂිත බන්ධනාගාර ගතකර තිබෙනවා.
අත්අඩංගුවට ගෙන අවිස්සාවේල්ල රෝහලේ ප්රතිකාර ලබමින් සිටි මෙම සැකකරුවන් සිව්දෙනා ඊයේ (20) දිනයේ අවිස්සාවේල්ල මහේස්ත්රාත් අධිකරණය හමුවට ඉදිරිපත් කිරීමෙන් අනතුරුව මෙලෙස රක්ෂිත බන්ධනාගාර ගතකළ බවයි පොලිසිය පැවසුවේ.
පොලිස් මාධ්ය කොට්ඨාසය නිවේදනයක් නිකුත් කරමින් සඳහන් කරන්නේ, පසුගිය ජූනි 19 වනදා දැරණියගල පොලිස් බලප්රදේශයේ දී අයුතු ජනරාශියක සාමාජිකයින් වී පොලිස් නිලධාරීන්ට පහරදීම සහ අයිස් මිලිග්රෑම් 24900 ක් සන්තකයේ තබා ගැනීම යන අපරාධ සම්බන්ධයෙන් මෙම සැකකරුවන් සිව්දෙනා අත්අඩංගුවට ගත් බවයි.
සිවිල් ඇඳුමෙන් සැරසුණු පොලිස් නිලධාරීන් කණ්ඩායමක් මත්ද්රව්ය වැටලීමකට යාමේදී ඔවුන්ගේ රාජකාරියට බාධාකර එම පොලිස් නිලධාරීන්ට සැකකරුවන් විසින් පහර දී තිබුණා.
මෙම සිදුවීම පසුගිය දින කිහිපයේ සමාජ මාධ්යයේ දැඩි අවධානයකට ලක්වූ අතර, පොලිස් රාජකාරියට බාධා කළ පිරිස චෝදනා කළේ පොලිස් නිලධාරීන් විසින් මත්ද්රව්ය අතින් දමා මෙම අවස්ථාවේ දී පුද්ගලයින් අත්අඩංගුවට ගැනීමට කටයුතු කළ බවයි.
