ඇමරිකාව විසින් ඉරානයට එරෙහිව ගුවන් ප්රහාර මාලාවක් දියත් කළ බව එක්සත් ජනපද මධ්යම අණදෙන විධානය සමාජ මාධ්ය ඔස්සේ නිවේදනයක් නිකුත් කරමින් පවසනවා.
ඇමරිකානු හමුදාවට අයත් අපාචි වර්ගයේ ප්රහාරක හෙලිකොප්ටර් යානයක් බිඳ හෙළීමේ සිද්ධියට ප්රතිචාර වශයෙන් මෙම ප්රහාර එල්ලකර තිබෙනවා.
මෙම ප්රහාර ඉරානය වෙත අනතුරු ඇඟවීමක් ලෙස සිදු කරන ලද බවත්, යුද්ධය අවසන් කිරීම සඳහා පවතින සාකච්ඡාවලට එය බාධාවක් නොවනු ඇතැයි ඇමරිකානු විශ්වාස කරන බවයි ඇමරිකානු එක්සත් ජනපද නිලධාරියෙකු පවසා ඇත්තේ.
මේ අතර දකුණු ඉරානයට එල්ල කරන ප්රහාර මධ්යයේ, බහරේනයේ ඇමරිකානු පස්වන බලඇණියට ඩ්රෝන ප්රහාරයක් එල්ල කළ බව ඉරානයේ ඉස්ලාමීය විප්ලවවාදී ආරක්ෂක බලකාය (IRGC) ප්රකාශ කරනවා.
එක්සත් ජනපද හමුදා “ආක්රමණශීලීත්වය” දිගටම පැවතුනහොත් දැඩි පළිගැනීමේ පියවර ගන්නා බවටත් ඉස්ලාමීය විප්ලවවාදී ආරක්ෂක බලකාය අනතුරු අඟවා තිබෙනවා.
මේ අතර දකුණු ඉරානයේ ජැස්ක්, සිරික් සහ කෙෂ්ම් දූපතේ ස්ථාන කිහිපයකට එරෙහිව එක්සත් ජනපදය ප්රහාර දියත් කළ බවත්, විදුලි සංදේශ කුළුණකට හානි කළ බවත් සිරික් හි බෙමානි දිස්ත්රික්කයේ ජල ටැංකි දෙකක් විනාශ කළ බවත් IRGC තහවුරු කරනවා.
