විනිසුරුවරුන්ගේ විශ්‍රාම යන කාලසීමාව දීර්ඝ කිරීමේ තීරණයක් ගෙන නැහැ – ඇමති නලින්ද

විනිසුරුවරුන්ගේ විශ්‍රාම යන කාලසීමාව දීර්ඝ කිරීම සඳහා මෙතෙක් රජය තුළ සාකච්ඡාවක් සිදුව නොමැති බව කැබිනට් ප්‍රකාශයක අමාත්‍ය නලින්ද ජයතිස්ස සඳහන් කරනවා.

රජයේ ප්‍රවෘත්ති දෙපාර්තමෙන්තුවේ දී අද (09) පැවැති කැබිනට් තීරණ දැනුම්දීමේ මාධ්‍ය හමුවේදී මාධ්‍යවේදියෙකු නැගූ ප්‍රශ්නයකට පිළිතුරු ලබා දෙමින් අමාත්‍යවරයා මේ බව පැවසුවා.

රජය මේ සම්බන්ධයෙන් මෙතෙක් තීන්දුවක් ගෙන නොමැති නමුත්, විවිධ වෘත්තිකයින්ගෙන් මේ සඳහා යෝජනා පැමිණ ඇති බවයි අමාත්‍යවරයා වැඩිදුරටත් පැවසුවේ.