හුංගම පොලිස් ස්ථානාධිපතිවරයාට ලැබුනු හදිසි තොරතුරකට අනුව කට්ටකඩුව පුදේශයේ දී අනවසරෙන් හරක් ප්රවාහනය කළ ලොරි රථයක් නතර කිරීම සඳහා පොලිසිය විසින් වෙඩි තැබීමක් සිදුකර තිබෙනවා.
අද (20) පෙරවරු 07.15 ට පමණ සිදුවූ මෙම වෙඩි තැබීමෙන් එම ලොරි රථයේ පිටුපස ගමන්ගත් පුද්ගලයෙක් තුවාල ලබා රෝහල් ගතකර ඇති බවයි වාර්තා වන්නේ.
එමෙන්ම එම ලොරි රථයේ සිටි තවත් සැකකරුවන් තිදනෙක් පොලිස් භාරයට ගෙන තිබෙනවා.
වෙඩි ප්රහාරයට ලක්වූ ලොරි රථය සහ තවත් ලොරි රථයක් අතුරු මාර්ගයක පැමිණ ඇති අතර පසුව පොලිස් නිලධාරීන් දුටු සැකකරුවන්, පොලිස් නිලධාරීන්ව යටකර පලා යාමට තැත්කර තිබෙනවා.
ඒ අනුව එම අවස්ථාවේ දී පොලිස් නිලධාරීන් ලොරියේ පිටුපස ටයර් වලට වෙඩිතබා ඇති අතර ලොරි රථයේ පිටුපසින් පාදයක් ඉවතට තබාගෙන ගමන් ගත් පුද්ගලයෙක් මෙම වෙඩි තැබීමෙන් තුවාල ලබා තිබෙනවා.
