වාද්දුව පොලිස් වසමට අයත් මහ වාද්දුව, ශ්රී සුමන මාවත ප්රදේශයේ පෞද්ගලික ඉඩමක පවත්වාගෙන ගිය කසල එකතු කිරීමේ ස්ථානයක ගින්නක් හටගෙන තිබෙනවා.
මෙම පෞද්ගලික ඉඩමේ දැනට වසර දෙකකට පමණ පෙර සිට ප්රදේශවාසීන්ගේ දැඩි විරෝධතා මත මෙම කසල එකතු කිරීමේ ඉඩම පවත්වාගෙන ගොස් තිබෙන අතර අද (14) උදෑසන එම කසල සහිත මෙම ඉඩමේ ගින්නක් හටගෙන තිබෙන අතර එම ගින්න අවට නිවාසකරා ද පැතිර යාමේ අවදානමක් දක්වා වර්ධනය වූ බවයි ප්රදේශවාසීන් පවසන්නේ.
කළුතර මහ නගර සභාවේ ගිනි නිවීම් ඒකකය වාද්දුව පොලීසිය සහ ප්රදේශවාසීන් එක්ව ගින්න පාලනය කිරීමට කටයුතු කර තිබෙන අතර, ගින්නෙන් කිසිදු පුද්ගලයෙකුට හා දේපලකට හානි සිදුව නැහැ.
එම ගින්න පාලනය සඳහා පැය දෙකකට ආසන්න කාලයක් දැඩි පරිශ්රයක් දැරීමට ගිනිවීම් ඒකකයට සිදුව තිබෙනවා.
ඔබේ ප්රතිචාරය කුමක්ද ?
+1
+1
+1
+1
+1
+1
+1
