කොල්ලුපිටිය පොලිස් වසමේ සී.වී. ඇවනිව් ප්රදේශයේ ඉදිවෙමින් පවතින තට්ටු ගොඩනැගිල්ලක තුන්වන මහලින් ඊයේ (13) දින දහවල් කාලයේ පුද්ගලයෙක් බිමට ඇද වැටි මියගොස් ඇති බවට කොල්ලුපිටිය පොලිසියට ලද තොරතුරක් මත විමර්ශන ආරම්භ තිබෙනවා.
ඒ අනුව ජීවිතක්ෂයට පත් වූ පුද්ගලයා වයස අවුරුදු 27 ක් වන තලවකැලේ ප්රදේශයේ පදිංචිකරුවෙක් බවයි පොලිසිය සඳහන් කළේ.
ඉදිවෙමින් පවතින තට්ටු ගොඩනැගිල්ලක තුන්වන මහලේ පලංචි මගින් යකඩ කොටස සවිකිරීමට යාමේදි පය ලිස්සා වැටිමෙන් මෙම අනතුර සිදුව ඇති බවට සිදු කරන ලද විමර්ශනයේදි අනාවරණය වි තිබෙනවා.
මෘත ශරීරය කොළඹ ජාතික රෝහලේ මෘත ශරීරාගාරයේ තැන්පත් කර ඇති අතර කොල්ලුපිටිය පොලිසිය වැඩිදුර විමර්ශන සිදුකරනවා.
