හොරණ පොලිස් වසමේ මල්වානේගම ප්රදේශයේ පුද්ගලයෙකු තියුණු ආයුධයකින් පහරදීම හේතුවෙන් තුවාල ලබා රෝහල් ගත කිරීමෙන් පසු මියගොස් තිබෙනවා.
ඊයේ (11) මෙලෙස ඝාතනයට ලක්ව ඇත්තේ පෝරුවදණ්ඩ ප්රදේශයේ පදිංචි වයස අවුරුදු 46ක පුද්ගලයෙක්.
මෙම පුද්ගලයා අසල්වැසි පුද්ගලයෙකු සමඟ ඇතිවූ පුද්ගලික ආරවුලක් හේතුවෙන් අසල්වැසියා විසින් තියුණු ආයුධයකින් පහර දී මෙම ඝාතනය සිදුකර ඇති බවට දැනට සිදු කරන ලද විමර්ශනයේදී අනාවරණය වී ඇත්තේ.
ඝාතනය සිදුකළ බව කියන වයස අවුරුදු 32ක සැකකරු අත්අඩංගුවට ගෙන තිබෙනවා.
හොරණ පොලිසිය විසින් සිද්ධිය පිළිබඳව වැඩිදුර විමර්ශන සිදුකරනු ලබනවා.
