රුපියල් තිස්නව ලක්ෂ පහලොස් දහසක් වටිනා චීනයේ නිෂ්පාදිත දුම්වැටි තොගයක්, නීතිවිරෝධී ලෙස මෙරටට රැගෙන විත් , ඒවා කටුනායක ගුවන් තොටුපොළෙන් පිටකර ගෙන යමින් සිටි චීන ජාතික ගුවන් මගියෙක් අද (11) දින අලුයම කටුනායක ගුවන් තොටුපොළ රේගු නිලධාරීන් පිරිසක් විසින් අත්අඩංගුවට ගෙන තිබෙනවා.
මොහු 35 හැවිරිදි චීන ජාතික ව්යාපාරිකයෙක්.
ඔහු අද (11) දින අලුයම 12.50ට මැලේසියාවේ ක්වාලාලම්පූර් නුවර සිට බතික් එයාර් ගුවන් සේවයේ ඕ.ඩී.- 297 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණා.
ඔහු විසින් රැගෙන ආ ගමන් මලු 02 ක් තුළ , චීනයේ නිෂ්පාදිත දුම්වැටි 26,100 ක් සගවා ගෙන තිබෙනවා.
මේ පිළිබද විධිමත් රේගු පරීක්ෂණයක් පැවැත් වූ කටුනායක ගුවන් තොටුපොළ රේගු නිලධාරීන්, මෙම දුම්වැටි තොගය රාජසන්තක කර, මෙම චීන ජාතික ගුවන් මගියාට රුපියල් ලක්ෂයක දඩ මුදලක් ගෙවන ලෙසද නියෝග කරනු ලැබුවා.
