ඉරාන නාවික හමුදාවට අයත් අයිරිස් ඩෙනා නෞකාවට ඉන්දියන් සාගරයේ දී එල්ල කළ ප්රහාරය සම්බන්ධයෙන් ”නිසි ප්රතිචාරයක් ලබා දෙන” බව ඉරාන හමුදාපති අමීර් හතාමි අනතුරු අඟවා තිබෙනවා.
යුද අභ්යාසයක් නිමා කර යළි ඉරානය බලා එමින් සිටියදී මෙම ප්රහාරය එල්ල කර ඇති බවත් සෘජු සටනක නිරත නොවී සිටියදීත් තම නාවිකයන්ට එල්ල කළ මෙම ප්රහාරය දැඩිව හෙළාදකින බවයි ඉරාන හමුදාපතිවරයා පවසා ඇත්තේ.
එමෙන්ම අයිරිස් ඩෙනා නෞකාවේ නාමය සහ එහි කාර්ය මණ්ඩලයේ ජීවිත පරිත්යාගය ඉරාන නාවික ඉතිහාසය තුළ ධෛර්යයේ සහ කැපවීමේ සංකේතයක් ලෙස පවතිනු ඇති බවයි අමීර් හතාමි පැවසුවේ.
ඉරානයේ සමුද්රීය දේශසීමා ආරක්ෂා කිරීමට සහ නාවික බලය තවදුරටත් ශක්තිමත් කිරීමට දැඩි අධිෂ්ඨානයෙන් කටයුතු කරන බවයි ඔහු වැඩිදුරටත් සඳහන් කළේ.
