ශ්රී ලංකාවේ රුසියානු තානාපති ලෙවන් එස්. ධාගරියන් සහ විදේශ කටයුතු අමාත්ය විජිත හේරත් අතර හදිසි හමුවක් අද (13) දහවල් විදේශ කටයුතු අමාත්යංශයේ දී පැවැත් වුණා.
ඒ මැදපෙරදිග ගැටුම් හේතුවෙන් ඉන්ධන සැපයුම් ජාල බිඳවැටීමට විසඳුමක් ලෙස රුසියානු තෙල් මිල දී ගැනීමට අවසර දෙමින් ඇමරිකාව පනවා තිබූ සම්බාධක ඉවත් කිරීමත් සමඟයි.
ඒ අනුව ශ්රී ලංකාවේ ඉන්ධන සැපයුම අඛණ්ඩව පවත්වාගෙන යාමට තවත් එක් පියවරක් ලෙස රුසියානු ඉන්ධන ලබා ගැනීම පිළිබඳව රුසියානු තානාපතිවරයා සමඟ මෙම සාකච්ඡාව පවත්වා තිබෙනවා.
ශ්රී ලංකාවේ මෙම ඉල්ලීම වහාම රුසියානු රජයට දැන්වීමට තානාපතිවරයා මෙහිදී එකඟතාව පළකර ඇති අතර,
එමෙන්ම අදාළ ආයතන සමඟ සම්බන්ධීකරණය කරමින් මීට අවශ්ය කටයුතු සම්පාදනය කර දෙන බවට ද ඔහු පොරොන්දු වී තිබෙනවා.
මෙම සාකච්ඡාව අතරතුර තානාපතිවරයා පෙන්වා දුන්නේ ශ්රී ලංකාවට අවශ්ය ඕනෑම අවස්ථාවක රුසියාවේ සහාය හිමිවන බවයි.
මෙම හමුවට මුදල් සහ ක්රමසම්පාදන නියෝජ්ය අමාත්ය අනිල් ජයන්ත, ලංකා ඛනිජ තෙල් සංස්ථාවේ සභාපති ඩී. ජේ. රාජකරුණා සහ අමාත්යංශ ලේකම්වරුන් එක්ව සිටියා.
