පොලිස්පතිතුමාට ලද තොරතුරකට අනුව පානදුර ප්‍රදේශයේ පදිංචිව සිටි දැනට විදේශගතව සැඟව සිටින සංවිධානාත්මක අපරාධකරුවෙක් විසින් මත්ද්‍රව්‍ය ජාවාරමෙන් උපයාගන්නා ලද මුදලින් ඔහුගේ සහෝදරයාගේ නමින් මිලදී ගෙන ඇති බවට සැලකෙන දේපලක් සම්බන්ධයෙන් නීති විරෝධී වත්කම් විමර්ශන කොට්ඨාසය මඟින් විමර්ශන ආරම්භ කර තිබුණා.
ඒ අනුව එම විමර්ශනයේ දී මෙම සංවිධානාත්මක අපරාධකරු විසින් මත්ද්‍රව්‍ය ජාවාරමෙන් උපයාගන්නා ලද මුදලින් මිලදී ගෙන ඇතැයි සැලකෙන මහබෙල්ලන, අළුබෝමුල්ල ප්‍රදේශයේ පිහිටි රුපියල් කෝටි 02 ක් පමණ වටිනා පර්වස් 21 ක් පමණ වන නිවසක් සහිත ඉඩමක්, මුදල් විශුද්ධිකරණය වැළැක්වීමේ පනත ප්‍රකාරව අද (06) දින සිට දින 07ක කාලයක් සඳහා ක්‍රියා විරහිත කිරීමේ නියෝගයක් ලබා ගැනීමට පොලිසිය කටයුතු කර තිබෙනවා.
නීති විරෝධි වත්කම් විමර්ශන කොට්ඨාසය විසින් මේ සම්බන්ධයෙන් වැඩිදුර විමර්ශන සිදු කරනවා.
