ජාත්‍යන්තර පාසල්වල දරුවන් මත්ද්‍රව්‍යවලට නැඹුරු වීමේ වැඩි ප්‍රවණතාවයක් වාර්තා වන බව පොලිස් මත්ද්‍රව්‍ය නාශක කාර්යාංශයේ අධ්‍යක්ෂක අශෝක ධර්මසේන පවසනවා.
ඔහු මේ බව සඳහන් කර සිටියේ රටම එකට ජාතික මෙහෙයුම් යටතේ ක්‍රියාත්මක වන විෂ මත්ද්‍රව්‍ය නිවාරණ සතිය පිළිබඳව දැනුවත් කිරීම සඳහා අද (28) පැවති මාධ්‍ය හමුවකට එක්වෙමින්.
විෂ මත්ද්‍රව්‍ය නිවාරණ සතිය හෙටින් (01) ආරම්භ වීමට නියමිතයි.
වැඩිදුරටත් අදහස් දක්වමින් ඔහු සඳහන් කර සිටියේ නගර බද ජාත්‍යන්තර පාසල්වල ඇතැම් සිසුන්, අයිස් මත්ද්‍රව්‍ය භාවිත කිරිම සඳහා නැඹුරුවීමේ ප්‍රවණතාවයක් පෙන්නුම්කර ඇති බවයි.
