පසුගිය දෙසැම්බර් සිට 2026 මාර්තු දක්වා කාලය තුළ පාකිස්තානයේ මිලියන 1.25 ක් පමණ ජනතාවක් ‘හදිසි’ මට්ටමේ උග්ර ආහාර අනාරක්ෂිතභාවයකට පත්වනු ඇතැයි එක්සත් ජාතීන්ගේ වාර්තාවක් අනතුරු අඟවනවා.
ඒකාබද්ධ ආහාර සුරක්ෂිතතා අදියර වර්ගීකරණය (IPC) වාර්තාව හෙළි කරන්නේ හදිසි ආහාර අනාරක්ෂිත මට්ටම්වල සිටින මිලියනයකට අධික ජනතාවකට “ව්යසනයක්” වැළැක්වීම සඳහා ක්ෂණික ජීවිතාරක්ෂක සහාය අවශ්ය බවයි.
2025 මෝසම් ගංවතුර බලපෑම්, නියඟය සහ ප්රාදේශීය අනාරක්ෂිතභාවය කෘෂිකර්මාන්තය සහ පශු පාලන ජීවනෝපායන් දුර්වල කර ඇති අතර නිෂ්පාදනය අඩු වී තිබෙනවා.
පකිස්ථානයේ අවදානමට ලක්විය හැකි කලාප 45ක් සහ මුළු ජනගහනයෙන් සියයට 15ක් පමණ ආවරණය වන IPC විශ්ලේෂණයේදී, බලුකිස්තාන් පළාත ඉහළම බලපෑමට ලක්ව ඇත්තේ ජනගහනයෙන් සියයට 25ක් අවම වශයෙන් ඉහළ ආහාර අනාරක්ෂිතභාවයකින් පෙළෙමින්.
අප්රේල් සිට සැප්තැම්බර් දක්වා ඉදිරි කාලය සඳහා, වාර්තාව මිලියන 6.7ක් හෝ ඊට වැඩි පිරිසක් ආහාර අනාරක්ෂිතභාවයකට මුහුණ දෙන බව පුරෝකථනය කරනවා.
