වන අලියෙකු පහරදීමෙන් විදේශීය ජාතිකයෙකු ජීවිතක්ෂයට පත්ව ඇති බව පොලිසිය සඳහන් කරනවා.
ඊයේ (16) පස්වරුවේ සීගිරිය පොලිස් වසමේ සීගිරිය – පිදුරංගල මාර්ගයේ දී වන අලියෙකු විසින් මෙම විදෙස් ජාතිකයාට පහර දී ඇති බවයි වාර්තා වන්නේ.
මෙම විදෙස් ජාතිකයා සහ ඔහුගේ බිරිඳ පා ගමනින් සීගිරිය – පිදුරංගල මාර්ගයේ ගමන් කරමින් සිටින අවස්ථාවේ මෙලෙස වන අලි ප්රහාරයකට ලක්ව ඇති බවයි පොලිසිය සඳහන් කළේ.
පහරකෑම හේතුවෙන් විදේශීය ජාතිකයා බරපතල තුවාල ලබා සීගිරිය රෝහලට ඇතුළත් කිරීමේ දී මියගොස් ඇති බවයි වාර්තා වන්නේ.
මෙලෙස ජීවිතක්ෂයට පත්ව ඇත්තේ වයස අවුරුදු 68ක් වූ හංගේරියානු ජාතිකයෙක්.
සීගිරිය පොලිස් ස්ථානය විසින් සිද්ධිය පිළිබඳව වැඩිදුර විමර්ශන සිදුකරනු ලබනවා.
ඔබේ ප්රතිචාරය කුමක්ද ?
+1
+1
2
+1
1
+1
+1
9
+1
+1
