2025 (2026) අපොස සාමාන්ය පෙළ විභාගය හෙට (17) දිනයේ දිවයින පුරා පිහිටි විභාග මධ්යස්ථාන 3,545 ක දී ආරම්භ වනවා.
හෙට ආරම්භ වන සාමාන්ය පෙළ විභාගය සම්බන්ධයෙන් අද (16) කැඳවා තිබූ මාධ්ය හමුවක දී විභාග කොමසාරි ජනරාල් ඉන්දිකා කුමාරි ලියනගේ සඳහන් කළේ විභාග කාලසටහන සම්බන්ධයෙන් විශේෂ අවධානයක් යොමු කරන ලෙසයි.
ඒ, අනුව ශ්රී ලංකා විභාග දෙපාර්තමේන්තු නිල වෙබ් අඩවියේ සහ නිල ෆේස්බුක් පිටුවේ පළකර ඇති කාලසටහන සම්බන්ධයෙන් පමණක් අවධානය යොමුකරන ලෙසයි විභාග කොමසාරි ජනරාල්වරිය දැනුම් දෙන්නේ.
පසුගිය වසරට වඩා මෙවර විභාග කාලසටහනේ විෂය පෙළගැස්මේ වෙනසක් සිදුකර ඇති බව සඳහන් කළ ඇය, ඒ හේතුවෙන් විභාග කාලසටහන පිළිබඳව විශේෂ අවධානයක් යොමු කරන ලෙසයි අවධාරණය කළේ.
විභාගය පවැත්වෙන දිනවලින් 05, 06, 07 සහ 08 යන දවස්වල විෂය පෙළගැස්ම මීට පෙර වර්ෂයන්ට වඩා වෙනස් බවයි කොමසාරි ජනරාල්වරිය වැඩිදුරටත් දැනුම් දුන්නේ.
ඒ, අනුව නිවැරදි කාලසටහන පමණක් භාවිත කරන ලෙසයි විභාග අපේක්ෂකයින්ට දැනුම් දෙන්නේ.
