කළු ගඟේ ජල මට්ටම රත්නපුර, මිල්ලකන්ද සහ ඇල්ලගාව ප්රදේශවලින් අවධානය යොමු කළ යුතු මට්ටම දක්වා ඉහළ ගොස් ඇති බව වාරිමාර්ග දෙපාර්තමේන්තුව පවසනවා.
නමුත් පැවති වර්ෂාපතනයන් අනුව එය ගංවතුර තත්ත්වයක් දක්වා පැමිණේ යැයි අපේක්ෂා නොකරන බවයි එම දෙපාර්තමේන්තුවේ අධ්යක්ෂ, ඉංජිනේරු එල්.එස්. සූරියබණ්ඩාර සඳහන් කළේ.
මේ අතර අද (25) දිනයේ වර්ෂාපතනය අනුව කළු ගඟ ද්රෝනියේ වෙසෙන ජනතාව විශේෂ අවධානයෙන් පසුවන ලෙස ද දැනුම් දෙනවා.
මේ වනවිටත් ගඟා රැස ජල මට්ටම් ඉහළ තත්ත්වයක පවතින අතර, ඒ අනුව ඉදිරියේ දී සැළකිය යුතු වර්ෂාපතනයක් පතිත වූ වහාම ගංවතුර තත්ත්වයක් ඇතිවීමේ අවදානම පවතින බවයි වාරිමාර්ග දෙපාර්තමේන්තුවේ අධ්යක්ෂවරයා වැඩිදුරත් පැවසුවේ.
ඒ, අනුව කැළණි ගඟ සහ අත්තනගලු ඔය ආශ්රිතව ජනතාව ද විශේෂ සැලකිල්ලෙන් සිටිය යුතු බවයි දැනුම් දෙන්නේ.
ඉදිරියේ දී ලැබෙන වර්ෂාපතනයන්ගේ රටාව අනුව එම ප්රදේශ ආශ්රිතව ගංවතුර තත්ත්වයන් ඇතිවිය හැකිද යන්න ජනතාව දැනුම්වත් කරන බවයි වාරිමාර්ග දෙපාර්තමේන්තුව සඳහන් කර සිටියේ.
