ආර්ථික අර්බුදයකට ලක්වී සිටින සුළු හා මධ්ය පරිමාණ ව්යවසායකයින් වෙනුවෙන් ඔවුන් ආරක්ෂා කිරීම සඳහා පෞද්ගලික මන්ත්රී පනත් කෙටුම්පතක් අද දින (18) තමා පාර්ලිමේන්තුවට ඉදිරිපත් කරන බව නව ප්රජාතන්ත්රවාදී පෙරමුණේ පාර්ලිමේන්තු මන්ත්රී රවී කරුණානායක පවසනවා.
ඒ අනුව එය පෞද්ගලික මන්ත්රී පනත් කෙටුම්පතක් ලෙස පාර්ලිමේන්තුවේ මහ ලේකම්වරියට භාර දෙන බවද මන්ත්රීවරයා සඳහන් කළා.
සුළු හා මධ්ය පරිමාණ ව්යවසායකයින් ආරක්ෂා කිරීමේ පනත වශයෙන් මෙය නම් කර තිබෙන බවත් මෙය ඉදිරිපත් කිරීමේ අරමුණ පසුගිය කාලය තුළදී දැඩි ආර්ථික අර්බුදවලට මුහුණ පා සිටින මෙරට සුළු හා මධ්ය පරිමාණ ව්යවසාකයින්ට යම් සහනයක් ලබාදීම බවත් මන්ත්රීවරයා පෙන්වා දෙනවා.
විශේෂයෙන්ම මෙරට දළ දේශීය නිෂ්පාදනයෙන් 60%කට වඩා දායකත්වය දරන්නේ මෙරට සුළු හා මධ්ය පරිමාණ ව්යවසායකයින් බවත් පසුගිය කාලය තුළ ඇති වූ යම් යම් ආර්ථික අර්බුද හේතුවෙන් ඔවුන් දැඩි අසීරුතාවයන්ට මුහුණ පෑ බවත් ඔහු පවසනවා.
විශේෂයෙන්ම කොවිඩ් ලෝක වසංගතය සහ ලෝක ආර්ථික අර්බුදය හේතුවෙන් ඔවුන්ට දැඩිව ආර්ථික අර්බුදවලට මුහුණපෑමට සිදුව ඇති බවයි රවී කරුණානායක වැඩිදුරටත් පවසා සිටියා.
මෙම සියලු කරුණු සැලකිල්ලට ගෙන මෙම සුළු හා මධ්ය පරිමාණ ව්යවසායකයින්ට යම්කිසි සහනයක් ලබාදීම සඳහා මෙම පනත කෙටුම්පත මගින් තමා යෝජනා කරන බවත් විශේෂයෙන්ම ඔවුන්ට දැනට අයකර තිබෙන පොලියට යම් සහනයක් ලබාදීම මෙහි ප්රධාන අරමුණ බවත් විශේෂයෙන්ම පරාටේ නීතිය ක්රියාත්මක වන නිසා මෙම සුළු හා මධ්ය පරිමාණ ව්යවසායකයින් දැඩි අර්බුදයකට මුහුණපා සිටින බවත් ඔවුන්ගේ දේපළ බැංකුවලට සින්නවීමේ යම් අවධානමක් ද පවතින බවත් රවී කරුණානායක මන්ත්රීවරයා සඳහන් කරනවා.
ඔහු කියා සිටියේ මෙම පනත් කෙටුම්පත සඳහා ආණ්ඩු පක්ෂයේ සහ විරුද්ධ පක්ෂයේ සහයෝගය හිමිවනු ඇතැයි කියා තමා බලාපොරොත්තු වන බවයි.
