සැකකරුවෙකු පළායයි – පොලීසියේ දෙදෙනෙකුගේ වැඩ තහනම්

රත්නපුර මූලස්ථාන පොලීසියේ නිලධාරීන් දෙදෙනකුගේ වැඩ තහනම් කර තිබෙනවා

පොලිස් භාරයේ සිටි සැකකරුවෙකු පළා යාමේ සිදුවීමක් හේතුවෙන් මෙලෙස වැඩ තහනම් කර තිබෙනවා.

පොලිස් මාධ්‍ය ප්‍රකාශක සහකාර පොලිස් අධිකාරී එෆ්.යු.වුට්ලර් මහතා ප්‍රකාශ කළේ, සැරයන්වරයෙකු සහ කොස්තාපල්වරයෙකුගේ සේවය තාවකාලිකව නවත්වා ඇති බවයි.අපරාධ කිහිපයකට සම්බන්ධ සැකකරුවෙකු අපරාධ පරීක්ෂණ දෙපාර්තමේන්තුව අත්අඩංගුවට ගෙන රත්නපුර පොලිස් ස්ථානයට භාර දී තිබුණි. කෙසේවෙතත්, ඊයේ (30) දින සැකකරු වැසිකිලි යාමට ඉල්ලා සිටි අවස්ථාවේ, සිරමැදිරියේ දොර විවෘත වූ පසු පොලිස් නිලධාරීන්ගෙන් මිදී පලා ගොස් ඇත.

පලා ගිය සැකකරු රත්නපුර ප්‍රදේශයේ පදිංචිකරුවෙකු වන අතර, ඔහු පානදුරයේ සිදුවූ වෙඩි තැබීම් සිද්ධි කිහිපයකට ද සම්බන්ධ වී ඇති බවට තොරතුරු ලබා ගෙන ඇත. පලාගිය සැකකරුවා අත්තඩංගුවට ගැනීම සඳහා විශේෂ පොලිස් කණ්ඩායමක් ද නිලතල යෙදවී ඇති බව පොලිස් මාධ්‍ය ප්‍රකාශකවරයා පෙන්වා දී ඇත.