ඉහළ කොත්මලේ ජල පෝෂක ප්රදේශවලට ඇද හැලෙන අධික වර්ෂාව හේතුවෙන් ඉහළ කොත්මලේ ජලාශයේ වාන් දොරටුවක් අද (11) දින අලුයම සිට විවෘත කර ඇති බව නුවරඑළිය දිස්ත්රික් ආපදා කළමනාකරණ ඒකකය පවසනවා.
දසත ප්රාදේශීය වාර්තාකරු පැවසුවේ, එම ජල පෝෂක ප්රදේශවලට තවදුරටත් වැසි ලැබුණහොත් එම ජලාශයේ සෙසු වාන් දොරටු ස්වයංක්රීයව විවෘත වීම හේතුවෙන් ජලාශ වේල්ලට පහළින් කොත්මල ඔය දෙපස පදිංචිකරුවන්ට සැලකිලිමත්ව සිටින ලෙස එම ජලාශ භාර ඉංජිනේරුවරුන් ඉල්ලා සිටි බවයි.
පවතින වර්ෂාවත් සමග සෙන්ක්ලෙයාර් සහ ඩෙවෝන් දිය ඇළිවල ද ගලා හැලෙන ජල ධාරිතාව ඉහළ ගොස් තිබෙනවා.
මේ අතර මධ්යම කඳුකරයේ බටහිර බෑවුම් ප්රදේශවලට අධික සුළං සමග තද වැසි ඇදහැලෙමින් තිබෙනවා.
අධික සුළඟ සහ වර්ෂාව හේතුවෙන් හැටන් – රුවන්පුර, විග්ටන් මාර්ගයට විශාල ඇකේෂියා ගසක් ද කඩා වැටීමෙන් එම මාර්ගයේ ගමනාගමන කටයුතු අද අලුයම සිට පෙරවරු ව තෙක් ඇනහිටි බවත් වාර්තාකරු පැවසුවා.
ගස කඩා වැටීමත් සමග මාර්ගයේ දෙපස ඇද තිබූ අධි බලැති විදුලි රැහැන් පද්ධතියට ද හානි සිදු ව ඇති බවයි වාර්තා වන්නේ.
