දරු ප්රසුතියක් සඳහා රජයේ රෝහලකට ඇතුළත් කළ ගැබිණි කතකගේ කුසේ සිටි දරුවා මිය ගිය බවට හෙදියන් ප්රකාශ කළ නමුත් පසුව ඇය පෞද්ගලික වෛද්ය මධ්යස්ථානයක දී පිරිමි දරුවෙකු ප්රසූත කළ පුවතක් ඉන්දියාවෙන් වාර්තා වනවා.
මනීෂා දේවි නැමැති එම කන්තාවගේ සැමියා කියා සිටියේ පසුගිය බදාදා ඇය චල්කුෂා බ්ලොක් සිට කිලෝමීටර් 120ක් පමණ දුරින් පිහිටි හසාරිබාග් ප්රදේශයේ ෂෙයික් භිකාරි රජයේ රෝහලට දරු ප්රසූතිය වෙනුවෙන් ඇතුළත් කළ බවයි.
කෙසේ වෙතත් ඇයව රෝහල් ගත කිරීමෙන් අනතුරුව පරීක්ෂා කිරීමෙන් පසු එහි හෙදියන් පවසා ඇත්තේ ඇගේ හිමොග්ලොබින් මට්ටම අඩු බවත් ඒ හේතුවෙන් කුසයේ සිටින දරුවා දැනටමත් මිය ගොස් ඇති බවයි.
නමුත් ඇය මනීෂා ප්රදේශයේ පෞද්ගලික වෛද්ය මධ්යස්ථානයක් වෙත ඇතුළත් කිරීමට සැමියා කටයුතු කර ඇති අතර එහිදී ඇය පිරිමි දරුවෙකු ප්රසූත කර ඇති බවයි වාර්තා වන්නේ.
මේ අතර ෂෙයික් භිකාරි රජයේ රෝහලේ අධිකාරීවරයාට සිද්ධිය සම්බන්ධයෙන් වහාම විමර්ශනයක් ආරම්භ කරන ලෙස හසාරිබාග් නියෝජ්ය සෞඛ්ය කොමසාරිස්වරයා නියෝග කර තිබෙනවා.
මේ අතර පෞද්ගලික රෝහල පවත්වාගෙන වෛද්ය ප්රවීන් කුමාර් පැවසුවේ මව වෛද්ය මධ්යස්ථානයේ දී පරීක්ෂණ මාලාවකට භාජනය වීමෙන් පසුව දරුවා ප්රසූත කළ බවත්, එහි වාර්තා සතුටුදායක බවත්, මව සහ දරුවා ආරක්ෂිතව සුවෙන් සිටින බවයි.
wpDiscuz
