සංවිධානාත්මක අපරාධ කල්ලි නායක ගණේමුල්ල සංජීව ඝාතනයට; විදේශ ගතව සැඟව සිටින අපරාධ කල්ලි නායක කෙහෙල්බද්දර පද්මේ නැමැති අපරාධ කල්ලි නායකයා සමඟ බන්ධනාගාර ගතව සිටින රැඳවියන් තිදෙනෙක් සැලසුම් සකස්කර ඇති බවට බුද්ධි අංශ තොරතුරු අනාවරණය කරගෙන තිබෙනවා.
මහර බන්ධන්ගාරයේ R 2 වාට්ටුවේ රඳවා සිටින කිරි කොල්ලා නොහොත් අවිශ්ක යන සැකකරු එහි සිටින බුද්ධිනාත් යන සැකකරු සහ වේගබාවා යන සැකකරු කෙහෙල්බද්දර පද්මේ සමඟ එක්ව මෙම සැලසුම් සකස්කර ඇති බවයි හෙළිව ඇත්තේ.
වැට්ස්ඇප් තාක්ෂණය ඔස්සේ සම්බන්ධ වී ඔවුන් මෙම සැලසුම් සකස්කර ඇති බවත් ඒ සඳහා යොදාගත් දුරකථන අංකය ද බුද්ධි අංශ විසින් අනාවරණය කරගෙන තිබෙනවා.
එමෙන්ම බූස්ස බන්ධනාගාරයේ රඳවා සිටින සංජීව කුමාර සමරරත්න ගනේමුල්ල සංජීව නැමැති සැකකරු අත්තනගල්ල මහේස්ත්රාත් අධිකරණය වෙත හෝ වෙනත් අධිකරණයට රැගෙන එන අවස්ථාවක T-56 වර්ගයේ ගිනි අවි කිහිපයක් යොදාගනිමින් ඝාතනය කිරීමේ සැලසුමක් පිළිබඳව මහර බන්ධනාගරයේ සිටින සැකකරුවෙකු බව පවසමින් යම්කිසි අයෙක් 2024 වසරේ සැප්තැම්බර් මස 17 වනදා බස්නාහිර පළාත් උතුරු අපරාධ කොට්ඨාසයේ එවක අධ්යක්ෂවරයා ලෙස කටයුතු කළ පොලිස් අධිකාරී ජේ.පුෂ්පකුමාර වෙත ඇමතුමක් ලබා දී පවසා ඇති බවයි වාර්තා වන්නේ.
