ත්‍රිකුණාමලය තෙල් ටැංකි නිරීක්ෂණය කිරීමේ චාරිකාවකට එක් වූ බලශක්ති අමාත්‍ය කුමාර ජයකොඩි මහතා එම තෙල් ටැංකියක් තුළට බහින අයුරු මාධ්‍ය වෙත වාර්තා වී තිබෙනවා.
අද (15) පෙරවරුවේ බලශක්ති අමාත්‍යවරයා ත්‍රිකුණාමලය තෙල් ටැංකි, වරාය සංවර්ධනයට යොදාගත හැකි ආකාරය සම්බන්ධයෙන් නිරීක්ෂණයට එක්වෙමින් මෙලෙස තෙල් ටැංකියක් තුළට ආරක්ෂිත ඇඳුම්වලින් සැරසී රිංගා යන අයුරුයි වීඩියෝවල දැක්වෙන්නේ.
බලශක්ති අමාත්‍යවරයා පැවසුවේ රටට විදේශ විනිමය ගෙන ඒම සඳහා මෙම තෙල් ටැංකි උපයෝගී කරගැනීම අත්‍යවශ්‍ය කරුණක් බවයි.
නව රජයේ බලශක්ති ප්‍රතිපත්තියට හා වැඩපිළිවෙළට අනුකූල ව ඩොලර් ගෙන ඒමටත්; ඒ සඳහා ලංකා IOC ආයතනය හා ලංකා ඛනිජ තෙල් සංස්ථාව එක් ව කටයුතු කර බවත් අමාත්‍යවරයා කියා සිටියා.
ඒ සඳහා ම ඉන්දියානු හා ලාංකීය හවුල්කාරීත්වය සහිත ව සාදා ඇති Trinco Petroleum Terminal Ltd ආයතනය හරහා ඒ කටයුතු ඉදිරියට ක්‍රියාත්මක කරන බවයි අමාත්‍යවරයා මෙහිදී වැඩිදුරටත් පැවසුවේ.
