නිරිත දිග බෙංගාල බොක්ක ප්රදේශයේ පවතින ෆෙන්ගල් සුළිකුණාටුව ඊයේ (29) රාත්රී 11.30 පමණ වන විට ත්රිකුණාමලයට කිලෝමීටර් 360ක් පමණ උතුරු දෙසින් සහ කන්කසන්තුරය සිට කිලෝමීටර් 280ක් පමණ ඊසාන දෙසින් පිහිටා තිබූ බව කාලගුණ අංශ පවසනවා.
එය බස්නාහිරට බරව වයඹ දෙසට ගමන් කරමින් අද (30) දින සවස් කාලයේදී උතුරු තමිල්නාඩු පුදුචෙරි වෙරළ වෙත ළඟා වනු ඇති බවයි දැනුම් දෙන්නේ.
දිවයිනේ කාලගුණයට මෙම පද්ධතිය මඟින් වන බලපෑම ක්රමයෙන් අඩු වෙමින් පවතිනවා.
උතුරු පළාතේත් ත්රිකුණාමලය දිස්ත්රික්කයේත් අහස වළාකුලින් බරව පවතින අතර, විටින් විට වැසි හෝ ගිගුරුම් සහිත ඇති විය හැකියි.
උතුරු පළාතේ ඇතැම් ස්ථානවලට මිලි මීටර් 75ට වැඩිතරමක් තද වැසි ඇතිවිය හැකි බවයි දැනුම් දෙන්නේ.
සබරගමුව පළාතේත් මහනුවර, නුවරඑළිය, ගාල්ල සහ මාතර දිස්ත්රික්කවලත් විටින් විට වැසි ඇතිවන අතර බස්නාහිර, වයඹ සහ උතුරු-මැද පළාත්වල වැසි වාර කිහිපයක් ඇති විය හැකියි.
සෙසු ප්රදේශවල සවස් කාලයේදී හෝ රාත්රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකි අතර, උතුරු, උතුරුමැද, වයඹ, නැගෙනහිර, මධ්යම සහ දකුණු පළාත්වල විටින් විට හමන පැයට කිලෝ මීටර් 50-55ක පමණ තද සුළං ඇතිවිය හැකි බව ද දැනුම් දෙනවා.
