මහවැලි ගඟ ආශ්‍රිත පහත් බිම් ප්‍රදේශවලට ඉදිරි පැය 48ක කාලය තුළ ගංවතුර තත්ත්වයක් ඇතිවීමේ අවදානමක් පවතින බව වාරිමාර්ග දෙපාර්තමේන්තුව දැනුම් දෙනවා.
ඒ, අනුව මහවැලි ගං ද්‍රෝණියේ දිඹුලාගල, හිඟුරක්ගොඩ, එච්චලම්පට්ටෙයි, කන්තලේ, කින්නියා, කොරලෙයිපත්තු උතුර, ලංකාපුර, මැදිරිගිරිය, මුතූර්, සේරුවිල, තමන්කඩුව, තම්පලක්කමම් හා වැලිකන්ද යන ප්‍රාදේශීය ලේකම් කොට්ඨාසවල අයත් මහවැලි ගඟ ආශ්‍රිත පහත් බිම්වලට මෙම අවදානම් තත්ත්වය පවතින බවයි එම දෙපාර්තමේන්තුව සඳහන් කළේ.
වාරිමාර්ග දෙපාර්තමේන්තුව දැනුම් දෙන්නේ එම ප්‍රදේශවල වෙසෙන ජනතාව අවදානයෙන් පසුවන ලෙසයි.
මේ අතර පවතින අධික වර්ෂාපතනය හේතුවෙන් මොණරාගල දිස්ත්‍රික්කයේ සියඹලාණ්ඩුව සහ අම්පාර දිස්ත්‍රික්කයේ ලාහුගල ප්‍රාදේශීය ලේකම් කොට්ඨාශවලට අයත් හැඩ ඔය ආශ්‍රිත පහත් බිම් ප්‍රදේශවලට ඉදිරි පැය 48ක කාලය තුළ ගංවතුර තත්ත්වයක් ඇතිවිය හැකි බව ද දැනුම් දෙනවා.
