ඉන්දියාවේ හයිද්රාබාද් ප්රාන්තයේ තරුණයෙකු විසින් පුද්ගලයෙකුට වෙඩි තබා බරපතළ තුවාල සිදු කර තිබෙනවා.
ඉන්දීය මාධ්ය වාර්තා කළේ; වෙඩි තැබූ තරුණයා සහ තුවාල ලැබූ පුද්ගලයාගේ දියණිය අතර පෙම් සබඳතාවක් පවත්වා ඇති බවත්; එය නතර කරන ලෙසට දියණියගේ පියා විසින් වරින් වර දැනුම්දෙනු ලැබුව ද දෙපාර්ශ්වය විසින් ම එය නොතැකූ නිසාවෙන් සිය දියණියව අමෙරිකා එක්සත් ජනපදයට පිටත්කර යවා ඇති බවයි.
සිය පෙම්වතියව විදෙස් රටකට යැවීම හේතුවෙන් ඇති වූ අධික කේන්තිය මත අදාළ පෙම්වතා විසින් පෙම්වතියගේ පියාට වෙඩි තබා තිබෙනවා.
මෙම වෙඩි තැබීම ඊයේ (10) පස්වරුවේ සිදු ව ඇත්තේ රචකොන්ඩා කොමසාරිස් කාර්යාලයේ සරූර්නගර් පොලිස් ස්ථානයට අයත් වෙන්කටේෂ්වර ජනපදයේ දීයි.
සැකකාර පුද්ගලයා මේ වනවිට පොලිස් අත් අඩංගුවේ පසුවන අතර ඔහු 25 හැවිරිදි තරුණයෙක්.
රේවන්ත් ආනන්ද් නමැති පෙම්වතියගේ පියාගේ ඇසට වෙඩි ප්රහාරය එල්ල වී ඇති අතර ඔහු මේ වනවිට රෝහල්ගත කර තිබෙනවා.
