පන්දුවාර 20 කාන්තා ක්‍රිකට් ලෝක කුසලාන තරගාවලියේ අවසන් මහා තරගයේ දෙවැනි තරගය අද (18) රාත්‍රී 7.30ට පැවැත්වෙනවා.
ඒ නවසීලන්තය සහ බටහිර ඉන්දීය කොදෙව් ක්‍රීඩිකාවන් අතර සාජා නුවරදීයි.
ඊයේ (17) පැවති පළමු අවසන් පූර්ව වටයේ තරගය ජයගෙන අවසන් මහා තරගයට සුදුසුකම් ලබා ගැනීමට දකුණු අප්‍රිකානු කාන්තා කණ්ඩායම සමත් වුණා.
කාසියේ වාසිය දිනූ දකුණු අප්‍රිකානු කණ්ඩායම පළමුව පිතිකරණය සඳහා ඔස්ට්‍රෙලියාවට ඇරයුම් කළා.
ඔස්ට්‍රෙලියානු ක්‍රීඩිකාවන් පන්දුවාර 20 අවසානයේ කඩුලු 05ක් දැවී රැස් කළේ ලකුණු 134ක් පමණයි.
බෙත් මූනි ලකුණු 44ක් රැස් කළා.
දකුණු අප්‍රිකාව වෙනුවෙන් කඩුලු බිඳ දැමීමේ දී අයබොන්ගා කහකා කඩුලු 02ක් ද, Marizanne Kapp, Nonkululeko Mlaba එක් කඩුල්ල බැගින් බිඳ දැමුවා.
පිළිතුරු ඉනිම ලකුණු 135ක ජයග්‍රාහී ඉලක්කයක් සොයා ගියා දකුණු අප්‍රිකා කණ්ඩායම පන්දුවාර 17ක් අවසන් වීමට පෙර ලකුණු 135ක් ලබා කඩුලු 08ක් ජයක් ලබාගත්තා.
විශිෂ්ට ඉනිමක් නොදැවී ක්‍රීඩා කරමින් තරගයේ වීරයා සම්මානය ද දිනූ Anneke Bosch
ලකුණු 74ක් ලබාගත්තා.
නායිකා ලෝරා ලකුණු 42යි.
ඔස්ට්‍රෙලියාව වෙනුවෙන් Annabel Sutherland කඩුලු 02ක් බිඳ දැමුවා.
එමෙන්ම වත්මන් පන්දුවාර 20 කාන්තා ලෝක ශූරයින් වන ඔස්ට්‍රෙලියාව වසර 14කට පසුව මෙවර අවසන් මහා තරගයට පෙර ඉවත් වීම ද සුවිශේෂීත්වයක්.
පසුගිය වසරේ දකුණු අප්‍රිකානු කාන්තා කණ්ඩායම සහ ඔස්ට්‍රෙලියාව අවසන් මහා තරගයේ දී මුණගැසුණු අතර ලකුණු 19කින් විශිෂ්ට ජයක් වාර්තා කරන්නට ඔස්ට්‍රෙලියාව සමත් වුණා.
ඒ අනුව එළඹෙන 20 වැනිදා ඩුබායි හි දී දකුණු අප්‍රිකාවට එරෙහිව නවසීලන්තය හෝ කොදෙව්වන් ශූරතාව වෙනුවෙන් තරග වදිනු ඇති.
