මෙරට ජනතාවගේ දරුවන්ට නොමිලේ උසස් අධ්‍යාපනය ලැබිය හැකි රාජ්‍ය විශ්වවිද්‍යාල පද්ධතියට ‘නවකවද’ සංකල්පය ගෙනැවිත් ඊට ‘ලිංගික හිංසනය’ රෝපණය කරමින්; රටේ දෙමාපියන්ගේ සහ දරුවන්ගේ සිතෙහි රාජ්‍ය විශ්වවිද්‍යාල පිළිබඳ ව බයක් ඇති කළේ ජනතා විමුක්ති පෙරමුණ බව එක්සත් ජනරජ පෙරමුණේ නායක පාර්ලිමේන්තු මන්ත්‍රී පාඨලී චම්පික රණවක චෝදනා කරනවා.
මෙහි ප්‍රතිඵලයක් ලෙස පෞද්ගලික විශ්වවිද්‍යාල සංකල්පය ආරම්භ වී එය ශීඝ්‍රයෙන් දියුණු වූ බවත්; එයට වගකිව යුත්තේ ජනතා විමුක්ති පෙරමුණ බවත් මන්ත්‍රීවරයා පවසනවා.
ජනතා විමුක්ති පෙරමුණේ දේශපාලන මණ්ඩලයේ බොහෝ දෙනෙකුගේ දරුවන් උසස් අධ්‍යාපනය සඳහා යොමු වී ඇත්තේ පෞද්ගලික විශ්වවිද්‍යාලවලට මිසක රාජ්‍ය විශ්වවිද්‍යාලවලට නොවන අතර ඔවුන් විසින් මෙරට දරුවන්ට විශ්වවිද්‍යාල භූමියෙහි ඉතිරි කර ඇත්තේ කඳුලු ගෑස් පමණක් බව ද කියා සිටියා.
2024 ජනාධිපතිවරණය වෙනුවෙන් පවත්වනු ලැබූ මහනුවර දිස්ත්‍රික් ජන හමුව අමතමින් පාඨලී චම්පික රණවක මහතා මේ බව ප්‍රකාශ කළා.
