මරුටි සුසුකි ජපානයට ඉන්දියන් වාහන පටවයි

Maruti Suzuki India Limited, එහි ඉන්දියාවේ නිෂ්පාදිත SUV වර්ගයේ මෝටර් රථයක් වන Fronx ජපානයට අපනයනය කිරීම නිල වශයෙන් දියත් කර තිබෙනවා.

මෙම පියවර Maruti Suzuki හි පළමු SUV රථය ජපන් වෙළඳපොළට පළමු පියවර තැබීම වනවා.
Fronx SUV රථ 1,600කට අධික ප්‍රමාණයක රැගත් පළමු නෞකාව ගුජරාටයේ Pipavav වරායෙන් ජපානය බලා පිටත් වුණා.

Fronx යනු සමාගම විසින් ජපානයට අපනයනය කරන ලද දෙවන වාහනයයි.

Fronx නිෂ්පාදනය කරනු ලබන්නේ ගුජරාටයේ පිහිටි මරුති සුසුකි හි අති නවීන නිෂ්පාදන කර්මාන්තශාලාවේයි.

මෙම අපනයන මුලපිරීම ඉන්දියාවේ වර්ධනය වන නිෂ්පාදන හැකියාවන් සහ එහි පුළුල් වන ගෝලීය අවතීර්ණය පෙන්නුම් කරන්නක්.

2023-24 මූල්‍ය වර්ෂය තුළ, මරුටි සුසුකි සමාගම රටවල් 100කට වැඩි ගණනකට ඒකක ලක්ෂ 2.8කට අධික ප්‍රමාණයක් අපනයනය කර ඇති අතර, රටේ මගී වාහන අපනයනයෙන් සියයට 42ක ප්‍රතිශතයක් හිමිකරගෙන සිටිනවා.

සමාගම 2024-25 මූල්‍ය වර්ෂයේ පළමු කාර්තුවේදී ඒකක 70,560 ක වාර්තාගත අපනයන අගයක් අත්පත් කර ගත් අතර එය එහි ඉතිහාසයේ පළමු කාර්තුවේ ඉහළම අපනයන කාර්ය සාධනය සනිටුහන් කරනවා.